Ek gaan Februarie hiernatoe en probeer al die afgelope week of wat om ‘n guide book oor die plek te koop. Nie dat ek ooit die guide book se praktiese wenke gebruik nie (in my ondervinding is hulle byna altyd verkeerd) maar wel vir agtergrondinligting, geskiedenis ens. Maar daar is wraggies geen boekwinkel in die Kaap wat enigiets oor hierdie plek het nie (wel, snaaks genoeg, oor sy meer ongewilde buurman). Ek was by al die Exclusive Books-takke (Tygervallei, Waterfront, Stellenbosch, Kloof, Somerset Mall) en vele ander boekwinkels, ook tweedehandse boekwinkels van Observatory tot Stellenbosch. Maar, helaas. Dit maak my natuurlik net meer lus om te gaan. Duidelik is dit wel nie ‘n baie geiwlde bestemming vir SA mense nie. Wie kan raai? Dis nie so obvious as wat dit dalk uit die foto lyk nie.
Balmoral, Skotland.
Verkeerde vasteland.
Jy hou van Asië, dit moet koud genoeg in die winter daar wees sodat dit kan sneeu…mmmmmmmmmmmm…..mmmmmmmmmmmmmm….Beijing!
Regte rigting, regte denkwyse, verkeerde land.
Dit kan nie Queenstown in NZ wees nie?
Julle sukkel hiermee! Wys jou net watse onbekende plek is dit. Eintlik nie, maar lyk my nie hoog op die ‘besoekerslys’ nie. Lam is op die regte spoor en eintlik baie, baie naby.
Suid/Noord-Korea? Mongolië? Ek sal maar eers die land regkry en dan die stad nail.
Jaaa! Suid-Korea. Die foto is een of ander stad in die berge, kan nie eens onthou wat die plek se naam is nie. Snaaks dat daar net geen guide books oor die plek in SA is nie. Ek het selfs op Exclusives se webwerf bestel en toe skryf hulle terug dat hulle dit van oorsee af moet bestel. Ek het wel in ‘n tweedehandse boekwinkel in Tygervallei ‘n boek oor Noord-Korea (!) gekry.